काठमाडौं, माघ १५ गते । मध्य माघको मौसम जाडो निकै छ तर पनि गाउँघरतिर चिसोको प्रवाहनै नगरी गुजारा गर्न दैनिकीलाई व्यस्त बनाउदै आएका छन् । समान्य परिवारका सदस्यहरु मेनहनमै १२ महिना बिउने गरेको छन् । यो साता देशैभरका समाचारदाताहरुले कैद गरेका दृश्य कथा:
मनोरम मार्फा गाउँ: हिमाली जिल्ला मुस्ताङको मार्फा गाउँ र आडैमा रहेको सम्तेलिङ मार्फा गुम्बा । बेनी- जोमसोम- कोरोला सडक खण्ड नजिकै पर्ने मार्फा गाउँ घुम्न आउने आन्तरिक तथा बाह्य पर्यटकहरू गुम्बा पनि अवलोकन गर्ने गर्दछन ।
रुप्से झरनामा रमाउँदै पर्यटक: म्याग्दीको दानमा पर्ने प्रसिद्ध रुप्से झरनामा रमाउँदै गरेका आन्तरिक पर्यटक ।
शनिबारे हाट: सिन्धुलीको सिन्धुलीमाडीमा साप्ताहिक रुपमा शनिबार लाग्ने हाटमा तरकारी किनबेच गरिँदै ।
मनोरम बल्थली फाँट र बस्ती: काभ्रेपलाञ्चोकको पनौती नगरपालिका–११ स्थित बल्थलीको सुन्दर फाँट र बस्ती । यो फाँटमा अहिले स्थानीयले आलु रापेका छन् ।
ठेकी बनाउँदै : कास्कीको रुपा गाउँपालिका ७ हंसपुरका विश्वकर्मा युवा लमजुङको मध्यनेपाल नगरपालिका ४ रम्घामा ठेकी बनाउँदै । गाउँमै बजार नपाएपछि हंसपुरका ३० जनाले ६ समूह बनाएर कास्की, लमजुङ र तनहुँका विभिन्न बस्तीमा पुगेका छन् ।
बाँधस्थलमा काम हुँदै : तनहुँको ऋषिङ गाउँपालिका–१ मा निर्माणाधीन १४० मेगावाट क्षमताको तनहुँ जलविद्युत् आयोजनाको बाँध निर्माणस्थलमा काम हुँदै । आयोजनाको तीन वटै प्याकेजमा काम भइरहेको छ । तस्बिरः रासस
