.jpg)
बाजुरा समाचारदाता
बाजुरा, पुस २७ गते । जिल्लाका नौवटै स्थानीय तहका २४७ वटा विद्यालयले अहिले आन्तरिक दोस्रो त्रैमासिक परीक्षा सञ्चालन गर्दै आएका छन् । वैशाख २० गतेबाट भर्ना सकेर पढाइ सुरु गर्दै आएका विद्यालयले असारमा पहिलो त्रैमासिक परीक्षा पूरा गरेपछि पुस २२ गतेबाट दोस्रो परीक्षा सञ्चालन गरेका हुन् ।
पुसको पहिलो सातादेखि बाजुरामा अत्यधिक चिसो बढ्दै गएपछि विद्यालयले सञ्चालन गरेको सो परीक्षामा सहभागी हुन विद्यार्थीलाई कठिनाइ भएको छ । विद्यालयले सधैँ कक्षाकोठाको एक बेन्चमा दुई जना राखेर लिने परीक्षालाई अहिले चिसोका कारण बालबालिकालाई चौरमा बसालेर परीक्षा लिन थालेका छन् ।
त्रिवेणी नगरपालिकाको खिन्नै आधारभूत विद्यालय कक्षा आठमा अध्ययनरत छात्र विनोद साउदले चिसोका कारण कक्षाकोठामा बसेर परीक्षा दिन समस्या भएपछि बाहिर घाममा बसेर परीक्षा दिन थालेको बताउनुभयो ।
