कात्तिक ११ गते । सत्तारुढ गठबन्धनले प्रतिनिधिसभा र प्रदेशसभा सदस्य निर्वाचनमा गठबन्धन दलका उम्मेदवारहरूलाई विजयी गराउन सम्पूर्ण मतदातालाई अपिल गरेको छ ।
शुक्रबार प्रधानमन्त्री एवम् नेपाली कांग्रेसका सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल, नेकपा (एकीकृत समाजवादी)का अध्यक्ष माधवकुमार नेपाल र राष्ट्रिय जनमोर्चाका अध्यक्ष चित्रबहादुर केसीद्वारा जारी संयुक्त विज्ञप्तिमा सो अपिल गरिएको हो ।
साथै, केही स्थानमा देखिएका विवादलाई छलफलद्वारा निष्कर्षमा पुर्याउन प्रतिबद्धता पनि सत्तारुढ गठबन्धनले जनाएकाे छ ।
संयुक्त विज्ञप्तिमा भनिएको छ, ‘‘केही स्थानमा देखिएका विवादलाई छलफलद्वारा निष्कर्षमा पुर्याउन प्रतिबद्धता व्यक्त गर्दछौँ । साथै गठबन्धनका सहमतिका उम्मेदवारहरूको सूचि सार्वजनिक गरिएको छ । केही स्थानमा मित्रवत् प्रतिस्पर्धा गर्ने गरी तय गरिएको छ ती स्थानमा एक आपसमा समान र सौहार्दपूर्ण व्यवहार गर्ने समझदारी भएको छ ।’’
-original-thumb.jpg)
