अलेप्पोलाई नियन्त्रणमा लिएको सिरियाली सेनाको दाबी, कुर्द सेनाद्वारा खण्डन

अलेप्पो, सिरिया, पुस २६ गते । सिरियाको सेनाले शनिबार अलेप्पोको एक छिमेकमा कुर्द सेनासँग भिडन्त भएको र आत्मसमर्पण गर्ने आह्वानलाई बेवास्ता गरे पनि उसले यस क्षेत्रमा नियन्त्रण गुमाएको बताएको छ ।

युद्धविरामको क्रममा कुर्द लडाकुलाई फिर्ता हुन समयसीमा सकिएपछि सरकारी सेनाले शेख मकसुद जिल्लामा एकाएक आक्रमण सुरु गरेको थियो । अलेप्पोमा एएफपीका संवाददाताले यस क्षेत्रमा गोली चलेको र यो बिहानसम्म जारी रहेको र शहरको अन्तिम जिल्ला अझै पनि कुर्दको हातमा रहेको बताएका छन् । सेनाले शनिबार शेख मकसूद र छिमेकको सुरक्षा कारबाही पूर्णरूपमा पूरा भएको’ घोषणा गरेको छ । 

सेनाले उक्त क्षेत्रमा कुर्द सेनाको निरन्तर उपस्थितिका कारण बासिन्दालाई उनीहरूको घरमा बस्न आग्रह गरेको छ । एसडिएफको कुर्द नेतृत्वको ‘सिरियन डेमोक्रेटिक फोर्सेज’ लाई सङ्केत गर्दै एक सैन्य स्रोतले यसअघि समाचार संस्था सानासँग भनेको छ, कारबाहीका क्रममा कैयौँ कुर्द लडाकू पक्राउ गरिएको थियो ।

कुर्दिस सेनाले शेख मक्सुदको विशाल बहुमतलाई सरकारले नियन्त्रण गरेको दाबी ‘गलत र भ्रामक’ भएको बताएको छ । उनीहरूले ‘सरकार समर्थक लडाकू’सँग सडकमा झडप भएको तोपखानाद्वारा गरिएको आक्रमण ‘आतंक फैलाउने उद्देश्यले सिरियाली नागरिकको अल्पसङ्ख्यक समुदायप्रतिको आपराधिक घटना’ भएको बताए । रक्षा मन्त्रालयले जारी गरेको वक्तव्यमा सिरियाली सेनाले ‘सशस्त्र समूह’लाई तत्काल आफू र आफ्ना हतियार आत्मसमर्पण गर्न आग्रह गरेको छ ।

सिरियाको दोस्रो ठुलो सहरमा कुर्दको वास्तविक स्वायत्त प्रशासन र सेनालाई देशको नयाँ सरकारमा एकीकृत गर्ने प्रयास रोकिएपछि हिंसा भड्किएको थियो । मङ्गलबारदेखि सुरु भएको लडाइँमा दुबै पक्षतर्फ कम्तिमा २१ जनाको मृत्यु भएको छ र दशौँ हजार अलेप्पोबाट भागेका छन् । सिरियाको नयाँ इस्लामिक अधिकारीले सत्ता हातमा लिएपछिको सबैभन्दा तीव्र झडपले सन् २०२४ डिसेम्बरमा लामो समयदेखि शासक बशर अल–असदलाई अपदस्थ गरेपछि देश पुनः एकताको लागि सङ्घर्ष गरिरहेको बेला अर्को चुनौती थपेको छ । 

दुवै पक्षले अलेप्पोमा हिंसा सुरु गर्नुमा एक अर्कालाई दोष दिएका छन् । सिरियाली अधिकारीले शुक्रबार बिहान कुर्द लडाकुलाई अलेप्पो छोड्न अनुमति दिने घोषणा गरे, तर उनीहरूले अस्वीकार गरेका छन् । जवाफमा, सिरियाको सेनाले शेख मकसूदमा सैन्य लक्ष्यमा फेरि आक्रमण गर्ने चेतावनी दिएको छ र सुरक्षा बलले जिल्ला कब्जा गर्नु अघि नागरिकलाई बाहिर निस्कन आग्रह गरेको छ । एएफपीका एक संवाददाताले त्यहाँका बासिन्दा सामान लिएर भागेको देखिएको जनाएका छन् । 

-‘उग्र’ प्रतिरोध-

कुर्द सेनाले सरकारले तोपखाना र ड्रोन आक्रमणको प्रयोग गरी आक्रमण गरेपछि सामाजिक सञ्जालमा ‘उग्र र निरन्तर विरोधको क्रम’ बढेको दाबी गरेको छ । कुर्द लडाकुले तीन सैनिकको हत्या गरेको सेनाले बताएको छ भने सरकारी टेलिभिजनले उनीहरूलाई अलेप्पोको आवासीय क्षेत्रमा ड्रोन प्रहार गरिएको बताएको छ । 

अलेप्पो विमानस्थलमा स्थगित उडान सेवा शनिबार अबेरसम्मका लागि लम्ब्याइएको छ । एसडीएफले सिरियाको तेलको धनी क्षेत्र उत्तर र उत्तरपूर्वमा नियन्त्रण गरेको छ र सन् २०१९ मा इस्लामिक स्टेट समूहको पराजयमा यसले महत्वपूर्ण भूमिका खेलेको थियो । तर छिमेकी सिरियाका नयाँ नेताको नजिकको सहयोगी टर्कीले यसको मुख्य घटकलाई गत वर्ष अंकाराविरुद्धको चार दशकको सशस्त्र संघर्ष अन्त्य गर्न सहमति जनाएका कुर्दिस्तान वर्कर्स पार्टी (पीकेके) को विस्तारको रूपमा हेर्छ ।

टर्कीले कुर्द सेनालाई सीमाबाट धकेल्न लगातार आक्रमण सुरु गरेको छ । सिरियाको उत्तरपूर्वमा कुर्द प्रशासनका एक वरिष्ठ अधिकारी एल्हाम अहमदले सिरियाली अधिकारीले कुर्द जिल्लामा आक्रमण गरेर ‘युद्धको बाटो रोजेको’ र ‘यस पहिले भएका सम्झौता अन्त्य गर्न खोजेको’ आरोप लगाउनु भयो । “हामी सम्झौताप्रति प्रतिबद्ध छौँ र हामी तिनीहरूलाई कार्यान्वयन गर्न खोजिरहेका छौँ,” उहाँले भन्नु भयो । रासस/एएफपी