अर्जुन काफ्ले
स्याङ्जा, मङ्सिर २६ गते । बिरुवा गाउँपालिकामा एक हजार ६०७ जना विद्यार्थीको मुख तथा दाँतको निःशुल्क परीक्षण गरिएको छ ।
पालिकाले २०८२/०८३ को अध्यक्षसँग विद्यार्थी कार्यक्रमअन्तर्गत पालिकामा भित्र रहेका ३२ विद्यालयहरुका सम्पूर्ण विद्यार्थीहरुको मुख तथा दाँतको निःशुल्क परीक्षण गरिएको हो ।
मङ्सिर १९ देखि सुरु भएको मुख तथा दाँतको निःशुल्क परीक्षणमा प्राविधिक सहयोग विएम फाउण्डेशनले गरेको थियो ।
यहाँ छ जना चिकित्सक र एक जना जनस्वास्थ्य अधिकृत गरेर सात जनाको स्वास्थय टोलीले शिविरमा सेवा दिएको गाउँपालिका प्रमुख प्रशासकीय अधिकृत परशुराम पोखरलले जानाकारी दिनुभयो ।
यहाँ १३० जनाको दातँ निकालिएको हो भने ४० जनाको दात भरेको स्वास्थ्य शाखा प्रमुख गोगनसिं थापाले बताउनुभयो ।
यस्तै, ५५ जनाको दात सफा गरिएको बताउदै थापाले पाँच जनामा मुखको समस्या रहेको थापाले बताउनुभयो । शिविरमा ९० जनालाई थप उपचारको लागि रिफर गरिएको हो ।
शिविरबाट उपचार गर्नुपर्ने देखिएकाहरुलाई २४ र २५ गते पालिकामा उपचार गरिने अध्यक्ष सुर्य बहादुर कुँवरले बताउनुभयो ।
उहाँले अस्पताल सिफारिस हुनेहरुका लागि न्यूनतम मूल्यमा उपचारको व्यवस्था हुने बताउनुभयो ।
अरनिको मावि विरुवाका कक्षा –७ का १२ बर्र्षी विद्यार्थी एडिसन थापाले आफ्नो दातमा समस्या भएको र गाउँमै सेवा पाएको बताउनुभयो ।
उहाँले एस्ता साना तिना स्वास्थ्य सेवा गाउँमै पाएको बताउँदै अबका दिनमा सक्दो ठुलो खालका उपचार पनि गाउँमै व्यवस्था गर्न आग्रह गर्नुभयो ।
-original-thumb.jpg)
