गोकर्ण दयाल
बैतडी, मङ्सिर १४ गते । नेपाल कम्युनिस्टपार्टी (एकीकृति माक्र्सवादी, लेनिनवादी) एमालेको ११ औं महाधिवेशनका लागि बैतडीबाट सर्वसम्मत प्रतिनिधि छनौट गरिएको छ । यद्यपि प्रतिनिधि छनौटमा भारी विवाद भएको नेताहरुको भनाइ छ ।
महाधिवेशनका लागि जिल्लाबाट १५ जना प्रतिनिधि सर्वसम्मत छनोट गरिएको शनिबार नै सूचना सार्वजनिक गरेको छ । छनौट भएका प्रतिनिधिमा खुलाबाट सुरेन्द्रबहादुर पाल, चक्रबहादुर कार्की, नरेन्द्र बिष्ट, पुष्करराज जोशी (लख्खाभाइ), लोकेन्द्र भण्डारी र रामसिंह पुजारा रहनुभएको छ ।
त्यसैगरी महिला क्लस्टरबाट धाना धामी, सकुन्तला साउद, पार्वती कार्की र सरस्वती कोली प्रतिनिधि छनोट हुनुभएको छ । दलिततर्फ नरेशकुमार विश्वकर्मा, सरस्वती नेपाली, बलभद्र दयाल र कालुराम सार्कीलाई प्रतिनिधि छनोट गरिएको छ । युवा क्लस्टरबाट गोविन्द गिरीलाई प्रतिनिधि छनोट गरिएको छ ।
यता पञ्चेश्वर गाउँपालिकाका अध्यक्ष गोरखबहादुर चन्दले प्रतिनिधि नपाएको भन्दै पार्टी परित्याग गरेको घोषणा गर्नुभएको छ । आफूलाई पार्टीमा कर्नर पारेपछि पार्टी त्याग्ने निर्णय गरेको उहाँको भनाइ छ ।
