गोरखापत्र समाचारदाता
काठमाडौं, मङ्सिर १४ गते । सुदूरपश्चिमाञ्चल सरोकार मञ्च नेपालले दीर्घसिंह बमको अध्यक्षतामा नयाँ कार्यसमिति चयन गरेको छ । शनिबार भएको १४ औँ साधारण सभाले नयाँ कार्यसमिति चयन गरेको हो । मञ्चको उपाध्यक्षमा टीकाराम भट्ट, लक्ष्मी शाह चयन हुनुभएको छ । त्यस्तै महासचिवमा सुरेन्द्र जोशी, सचिवमा रामदत्त जोशी र कोषाध्यक्षमा विना श्रेष्ठ चयन हुनुभएको छ ।
त्यस्तै मञ्चको सदस्यमा क्रमशः अनुप उपाध्याय, अरुणकुमार शाह, गुणाकर भट्ट, जनक धामी, नरेश खत्री, पदमराज भट्ट, महेशविक्रम शाह, मनोज महतो, सूर्यबहादुर शाह, दिकरदेव भट्ट रहनुभएको मञ्चका सचिव रामदत्त जोशीले बताउनुभयो । थप सदस्यको टुङ्गो अर्को बैठकबाट लगाउने सचिव जोशीले जानकारी दिनुभयो ।
सुदूरपश्चिमको समग्र विकास र सुदूरपश्चिमवासीको चेतना वृद्धिमा मञ्चले स्थापनाकालदेखि काम गर्दै आएको सचिव जोशीले बताउनुभयो ।
-square-thumb.jpg)
-original-thumb.jpg)
