प्रवीण कुमार शर्मा
रौतहट, कात्तिक २४ गते । रौतहट गौर नगरपालिका–५, बरहवा पुलस्थित बरहवा खोलामा बेपत्ता भएका युवकको दुई दिनपछि शव फेला परेको जिल्ला प्रहरी कार्यालय रौतहटले जनाएको छ ।
चन्द्रपुर नगरपालिका–६ का सुरेश महतो कहारको २० वर्षीय छोरा सुनिल कुमार कहारको शव सोमबार बिहान फेला परेको जिल्ला प्रहरी कार्यालय रौतहटका प्रहरी निरीक्षक रुद्रराज कंडेलले जानकारी दिनुभयो ।
पानीमा घोप्टो परी तैरिरहेको अवस्थामा कहारको शव फेला परेको जिल्ला प्रहरी कार्यालय रौतहटले जनाएको छ ।
कार्तिक २२ गतेदेखि बेपत्ता कहारको खोजी कार्यका लागि आफन्तले इलाका प्रहरी कार्यालय चन्द्रनिगाहपुरमा निवेदन दिएका थिए ।
कहारको शव पोस्टमार्टमका लागि प्रादेशिक अस्पताल गौरमा पठाइएको जिल्ला प्रहरी कार्यालय रौतहटले जनाएको छ ।
