लहान, कात्तिक २२ गते । लहान नगरपालिका–३ मा नौ करोडको लगानीमा सुविधा सम्पन्न सिनेमा हल सञ्चालनमा आएको छ । लहानका प्रतिष्ठित उद्योगपति मुरारका परिवार अभिनव मुरारकाले नौ करोडको लगानीमा १३८ जनाले हेर्न सक्ने सिनेमा हल निर्माण भएको जानकारी दिनुभयो ।
उहाँको अनुसार पश्चिममा वीरगन्ज र पूर्वमा विराटनगरमा मात्रै यस्तो सिनेमा हल रहेको छ । यो सिनेमा हलले लहानको आन्तरिक पर्यटनमा समेत बल पुर्याउने उद्देश्यले सञ्चालनमा ल्याएको हो । १८ किलोमिटर दक्षिणमा रहेका भारत विहारसम्मको व्यक्तिहरू आउने अपेक्षा गरिएको छ ।
तीन सय, पाँच सय र नौ सय टिकट दर रहेको छ । यद्यपि, लहानमा पहिलोपटक यति धेरै लगानी र महँगो टिकटका कारण सिनेमा हल कसरी टिकाउने भन्ने चुनौती भए पनि यसलाई टिकाएर लहानको समृद्धिमा एक महत्त्वपूर्ण आयाम कायम हुनेजिल्ला उद्योग वाणिज्य सङ्घ लहान सिराहाका अध्यक्ष विकास शारडाले बताउनुभयो ।
सिराहा सप्तरी उदयपुर जिल्लाका लागि मनोरञ्जनको केन्द्र बनेको कार्निभल सिनेमा हल सञ्चालनका लागि नौ करोड लगानी गरेको यस्ता गौरव गर्ने सिनेमा हल सञ्चालन गर्न प्रशासनिक र सुरक्षाको पूर्ण प्रत्याभूति गराउने प्रमुख जिल्ला अधिकारी सुरेन्द्र पौडेलले विश्वास व्यक्त गर्नुभयो ।
