सन्तोष दहित
दाङ, कात्तिक २१ गते । घोराही उपमहानगरपालिकाले आफ्ना सवारी चालक शालबहादुर बिकको निधनप्रति गहिरो दुःख व्यक्त गर्दै शुक्रबार शोक बिदा दिने निर्णय गरेको छ ।
उपमहानगरपालिकाले जारी गरेको सूचनाअनुसार २०८२ साल कात्तिक २० गते राति बिकको असामयिक निधन भएपछि आज उपमहानगरपालिकाका सम्पूर्ण कार्यालयमा शोक बिदा दिइने उल्लेख गरिएको छ ।
उपमहानगरपालिकाका प्रमुख प्रशासकीय अधिकृत ऋषिराम केसीले जारी एक सूचनामा घोराही उपमहानगरपालिकामा शोक बिदा दिएको जानकारी दिनुभयो ।
