साहारा लिम्बू
फुङलिङ, कात्तिक १५ गते । ताप्लेजुङमा रहेको प्रसिद्ध तीर्थस्थल पाथीभरा मन्दिरमा हिड्न नसक्ने दर्शनार्थीहरूलाई बोकेर पाथीभरा मन्दिरको दर्शन गराइने व्यवस्था रहेको छ । हिड्न नसक्ने दर्शनार्थीलाई भरियाहरूले मन्दिरसम्म बोकेर पुर्याउने गरेका छन् ।
काफ्लेपाटीदेखि मन्दिरसम्म पुग्नका लागि १ केजी बराबर एकसय रुपियाँ भाडा दर तोकिएको छ । विषेशगरी हिड्न नसक्ने बालबालिका, वृद्धवृद्धा दर्शनार्थीलाई भरियाले बोकेरै पाथिभरा पुर्याउने गरेका छन् । पाथीभरा मन्दिर क्षेत्रमा दर्शनार्थी बोक्ने पाँचसय बढी भरिया रहेको पाथिभरा क्षेत्र विकास समितिले जनाएको छ ।
