• २२ चैत २०८१, शुक्रबार

गौतम बुद्धको मावली गाउँमा महोत्सव

blog

बुटवल समाचारदाता

बुटवल, चैत २१ गते । गौतम बुद्धको मावली गाउँ रुपन्देहीको ऐतिहासिक क्षेत्र देवदहमा श्रीमद्भागवत महापुराण तथा मङ्गल पुष्करिणी दहमा धार्मिक महोत्सव गरिने भएको छ । देवदहको ऐतिहासिक, धार्मिक तथा पर्यटकीय क्षेत्रको विकास तथा प्रवर्धन गर्ने उद्देश्यले देवदह–९ मा रहेको प्रगति सामुदायिक वन रहेको देवदह क्षेत्रमा धार्मिक महोत्सव हुन लागेको हो । 

बिहीबारदेखि चैत २८ गतेसम्म गरिने महोत्सवबाट देवदहको संरक्षण तथा विकास, स्थानीय चौपायाको व्यवस्थापन र स्थानीय सन्दीप आधारभूत विद्यालयको अक्षयकोष स्थापना गर्ने लक्ष्य राखिएको छ । 

महोत्सव मूल आयोजक समिति संयोजक एवं देवदह नगरपालिका–९ का वडाध्यक्ष मोहन जिसीले प्राचीन समयमा राजा तथा ऋषि–तपस्वीले स्नान गर्ने पवित्र स्थल देवदह भएकाले यसको संरक्षण र प्रचारप्रसार आवश्यक रहेको बताउनुभयो ।