राधा लुइटेल
फिदिम, पुस २० गते। प्रेस सेन्टर नेपाल पाँचथर शाखाले आफ्नो सातौं जिल्ला अधिवेशनको अवसरमा तीन जनालाई सम्मान गरेको छ।
शनिबार सङ्गठनको अधिवेशनको उद्घाटन सत्रमा जिल्लामा क्रियाशील दुई र एक जना पूर्वअध्यक्ष गरेर तीन जनालाई सम्मान गरिएको हो।
सम्मानित भएकामा नयाँ बुलन्द डटकम तथा पूर्वाञ्चल दैनिकमा कार्यरत युद्धबहादुर बोहोरा र सुम्हात्लुङ टाइम्स अनलाइन तथा सुम्हात्लुङ एफएममा कार्यरत रजनी हाङसरुम्बा हुनुहुन्छ।
यस्तै सङ्गठनका पूर्वअध्यक्ष घनेन्द्र केरुङलाई पनि सम्मान गरिएको हो। उहाँहरूलाई दोेसल्ला र कदर पत्र मार्फत सम्मान गरिएको थियो।
शनिबार सम्पन्न प्रेस सेन्टर पाँचथरको सात औं जिल्ला अधिवेशनले युद्वबहादुर बोहोरा अध्यक्ष रहेको नयाँ कार्य समिति चयन भएको छ।
समितिको उपाध्यक्षमा रोहित आङबो र निशा लोवा, सचिव सुवास राई, सहसचिव जिपी अधिकारी र उत्तर लिम्बू, कोषाध्यक्ष रजनी हाङसरुम्बा र सदस्यमा इच्छा लिम्बू, अशोक लावती, संगीता अधिकारी, पुरण सुकिता चयन हुनुभएको छ।
सङ्घीय पार्सदमा घनेन्द्र केरुङ र रामचन्द्र तामाङ तथा प्रदेश पार्सदमा सेसेहाङ लाओती, रामप्रसाद बास्कोटा, भिमकुमार चेम्जोङ चयन हुनुभएको छ।
