काठमाडौँ, कात्तिक १९ गते । गायिका शान्ता जिसीको आवाजमा ‘यस्तो भा’छ मलाई त’ बोलको गीत म्युजिक भिडियोसहित सार्वजनिक भएको छ । गीतमा शान्तालाई गायक प्रताप दासले साथ दिनुभएको छ । प्रेमिल जोडीले एक अर्कालाई छोड्न नसक्ने तर मायाले बाँधिरहने जोडीका कुरालाई मिठो लयमा ढालेर बनाइएको गीत जिसीले आफ्नै युट्युब पेज शान्ता जिसीमार्फत सार्वजनिक गर्नुभएको हो ।
गीतलाई एसके फिल्मले पोस्ट प्रोडक्सन गरेको छ । लोकराज अधिकारीको शब्दमा सङ्गीतकार अर्जुन पोखरेलले सङ्गीत भर्नुभएको छ । गीतलाई नरेश बिसीले मास्टरिङ गर्नुभएको हो ।
काजल श्रेष्ठको कोरियोग्राफी तथा निर्देशन रहेको भिडियोमा कजिश श्रेष्ठ, लोमश शर्मा, करिश्मा ढकाल, समरिका ढकालको अभिनय छ । प्रशान्त मगरले निर्देशन गर्नुभएको गीतलाई दीपक विष्टले सम्पादन तथा कलरिङ गर्नुभएको छ ।
