काठमाडौं, कात्तिक १२ गते । आइतबार सुनको मूल्यमा नयाँ रेकर्ड कायम भएको छ । आज नेपाली बजारमा सुनको मूल्य हालसम्मकै उच्च भएको हो । आज सुन प्रतितोला एक लाख १७ हजार रुपियाँ कायम भएको छ ।
नेपाल सुनचाँदी व्यवसायी महासङ्घले शुक्रबारको तुलनामा आइतबार सुनको मूल्य प्रतितोला एक हजार रुपियाँले बढेको जनाएको छ । गएको शुक्रबार तोलाको एक लाख १६ हजार रुपियाँमा कारोबार भएको सुनको मूल्य आज तोलामा एक हजार रुपियाँ बढेर एक लाख १७ हजार पुगेको हो ।
त्यस्तै, आज तेजाबी सुन मूल्य एक लाख १६ हजार ४५० रुपियाँ कायम भएको छ । यो मूल्य हालसम्मकै उच्च हो । यस्तै, चाँदीको मूल्य तोलामा १५ रुपियाँले बढेर एक हजार चार सय १५ रुपियाँ पुगेको छ ।
