काठमाडौँ भदौ २७ गते । गीतकार लोकराज अधिकारीको रचनामा अमेरिकी गायिका ज्याकलिनले नेपाली गीत रेकर्ड गराउनुभएको छ । आइतबार रेकर्ड गरिएको गीतमा गोविन्द मधुर आचार्यको सङ्गीत रहेको छ ।
लघुचलचित्र निर्माणका क्रममा नेपाल आएकी उहाँले ‘ए कान्छा एउटा कुरा सुनिदेऊ’ शीर्षकको गीतमा स्वर दिनुभएको हो । गीतमा पर्यटकलाई नेपाली संस्कृति, नेपाली भूभाग, नेपाली खाना, नेपालीपन र नेपालीहरू मन परेको भाव रहेको गीतकार अधिकारीले बताउनुभयो ।
