गोरखापत्र समाचारदाता
काठमाडौँ, भदौ २२ गते । चलचित्र ‘दी रेड सुट्केस’ को भिडियो क्लिप सार्वजनिक गरिएको छ । दुई मिनेटको भिडियो क्लिपमा देश फर्कने र देश छाड्नेको नियतिलाई सुन्दर फ्रेममा कैद गरिएको छ । फिडेल देवकोटाको लेखन र डेब्यु निर्देशन रहेको चलचित्रले नेपालको अन्तर्राष्ट्रिय विमानस्थलबाट ट्रकमा सामान लिएर सुदूर गाउँमा जाने चालकको रहस्यमय कथा प्रस्तुत गर्छ । चलचित्रमा सौगात मल्ल, विपिन कार्की र सृष्टि श्रेष्ठको प्रमुख भुमिका रहने छ । आइसफल प्रडक्सनका लागि रामकृष्ण पोखरेल र शोभा थापाले चलचित्र निर्माण गर्नुभएको हो । यसको सहनिर्माणमा श्रीलङ्काका निर्माता विमुक्ति जयसुन्दरा रहनुभएको छ ।
