गोरखापत्र समाचारदाता
काठमाडौँ, भदौ २१ गते । निर्देशक दिवाकर भट्टराईले फिल्म ‘मायावी’ मार्फत निर्देशनमा कमब्याक गर्नुभएको छ । निर्देशक भट्टराईले श्रीकृष्ण जन्माष्टमीको अवसर पारेर ‘मायावी’ को घोषणा गर्नुभएको हो । फिल्ममा भट्टराई स्वयम्को कथा रहने छ । निर्देशक भट्टराईले प्रेमकथाको फिल्ममा तीन ‘नायक’ र दुई ‘नायिका’ रहने बताउनुभयो ।
फिल्ममा दुई नायिकामध्ये यसअघि नै नायिका दीपिका प्रसाई फाइनल भइसक्नुभएको छ । फिल्मका अन्य कलाकार र प्राविधिक चाँडै सार्वजनिक गरिने निर्देशक भट्टराईले जानकारी दिनुभयो । व्रिmएटिभ सिने आर्ट्सले निर्माण गर्न लागेको फिल्ममा एसडी योगीको सङ्गीत, राम थापा अविरलको गीत रहने छ । फिल्म असोज २ बाट फ्लोरमा जाने छ ।
