काठमाडौँ, असार ३१ गते । चलचित्र ‘एक भगवत् गीता’ को टिजर सार्वजनिक भएको छ । चलचित्रमा विपिन कार्की, सुहाना थापा र धीरज मगर प्रमुख भूमिकामा हुनुहुन्छ । विपीनलाई लैङ्गिक अल्पसङ्ख्यक पात्र कमलामाईको अवतारमा देखाइएको छ ।
झरना थापाद्वारा निर्देशित चलचित्रमा कबिर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धीरज ठाकुरलगायतको अभिनय छ । चलचित्रको कथा निर्देशक थापाले नै लेख्नुभएको हो भने सुनीलकुमार थापाद्वारा निर्माण गरिएको हो । चलचित्र भदौ २९ गते प्रदर्शन हुँदै छ ।
