काठमाडौँ, असार २८ गते । कलाकार मुकन भुसाल निर्देशनमा डेब्यु गर्दै हुनुहुन्छ । चलचित्र ‘बुलबुल’ बाट अभिनयमा डेब्यु गर्नुभएको मुकुन भुसालले ‘हेलिकोप्टर’ चलचित्र निर्देशन गर्न लाग्नुभएको हो । चलचित्र निर्माणमा सुदर्शन थापा, सत्यराज चौलागाईं र वसन्त निरौलाले सहकार्य गर्दै हुनुहुन्छ ।
बाल मनोविज्ञानमा आधारित कथामा बन्न लागेको चलचित्र राष्ट्रिय तथा अन्तर्राष्ट्रिय चलचित्र फेस्टिभलका लागि निर्माण हुन लागेको हो । चलचित्रका निर्माता सत्यराज चौलागाईं हुनुहुन्छ । ४५ मिनेट अवधि रहने चलचित्रको कलाकार छनोट हुने क्रममा छ ।
