हिराकाजी थापाको ‘पर्खी बस’ मा मनिषा र विजय

काठमाडौं, वैशाख २६ गते। गीतकार हिराकाजी  थापाको ‘पर्खी बस’ बोलको गीतको भिडियो सार्वजनिक भएको छ।

रमेश सापकोटाको स्वरमा रहेको गीतमा गीतकार थापाको शब्द,  विक्रम थापाको सङ्गीत तथा  कुशिल सिंहको एरेन्ज, किशोर थापाको मिक्सिङ तथा मास्टरिङ रहेको छ। 

प्रेमीलाई पर्खी बसेकी प्रेमीकाको त्याग र मायालाई देखाइएको सार्वजनिक गीतको भिडियोमा मोडलद्वय विजय पुन मगर र मनिषा लामाको अभिनय रहेको छ। भिडियोको निर्देशन  गीतकार थापाले नै गर्नुभएको हो। भिडियोको कोरियोग्राफी प्रमोदकुमार भण्डारीले गर्नुभएको छ।

म्युजिक भिडियोको छायाङ्कन देव दोर्जे लामाले गर्नुभएको हो।  भिडियोको सम्पादन र कलरिङ नवीन निरौलाले गर्नुभएको हो।