काठमाडौं, चैत १६ गते । राम नवमीको अवसरमा प्रभास र कृति सेनन अभिनीत फिल्म 'आदिपुरुष'को नयाँ पोस्टर सार्वजनिक भएको छ । सार्वजनिक गरिएको पोस्टरमा कृति प्रभास र सन्नी (माता सीता, भगवान् राम र लक्ष्मण) को भूमिकामा देखिएका छन् ।
निर्माण पक्षले फिल्मको नयाँ रिलिज मिति पनि घोषणा गरेको छ ।
यसअघि 'आदिपुरुष' जनवरी २०२३ मा रिलिज हुने तयारीमा थियो तर टिजरमै विवाद उत्पन्न भएपछि निर्माण पक्षले प्रदर्शन मिति सारेको हो । यसअघि सार्वजनिक भएको ट्रेलेरमा रावण, सीता र हनुमानको भूमिकालाई लिएर विवाद भएको थियो ।
फिल्म 'आदिपुरुष' १६ जुनमा प्रदर्शन हुने तयारीमा छ ।
