काठमाडौं, चैत १५ गते । निर्देशक दीपेन्द्र लामाको निर्देशनमा बनेको फिल्म ‘नाङ्गो गाउँ’को छायाङ्कन सुरु भएको छ । काभ्रेको बेथान चोक गाउँपालिकामा भइरहेको छायाङ्कन ३५ दिनसम्म चल्ने निर्देशक लामाले जानकारी दिनुभएको हो ।
फिल्मको छायाङ्कनमा मुख्य कलाकारहरू दयाहाङ राई, सम्राज्ञी राज्यलक्ष्मी शाह, कार्म, शिशिर बाङ्देल व्यस्त हुनुहुन्छ ।
फिल्ममा बुद्धि तामाङ, पुष्कर गुरुङ लगायतका कलाकारको पनि मुख्य भूमिका छ । मनिष्मा फिल्मसको ब्यानरमा निर्माण भएको यो फिल्मको प्रस्तुतकर्ता हिमाल शर्मा हुनुहुन्छ भने जय श्रेष्ठ यसका निर्माता हुनुहुन्छ । फिल्ममा आलोक शुक्लाको छायाङ्कन छ ।
