अविनाश चौधरी
धनगढी, चैत १३ गते । मनाङ मस्र्याङ्दी क्लब सुदूरपश्चिम खप्तड गोल्डकपको सेमिफाइनलमा प्रवेश गरेको छ ।
धनगढी रङ्गशालामा आज भएको क्वार्टरफाइनल खेलमा बागमती क्लबलाई पराजित गरी मनाङ मस्र्याङ्दीले सेमिफाइनलमा स्थान सुरक्षित गरेको हो । मनाङले बागमतीको चुनौतीलाई २–१ गोल अन्तरले पन्छाउँदै अन्तिम चारमा स्थान बनायो ।
मनाङको जितमा ३७ औं मिनेटमा विदेशी खेलाडी तिमाथे कोडे र ६६ औं मिनेटमा साइजमोलले गोल गर्नुभयो । खेलको ४१ औं मिनेटमा बागमतीका लागि सृजन गौतमले गोल गर्नु भएको थियो ।
फाइनल प्रवेशका लागि मनाङले अब विदेशी टोली एभिनियर क्लब क्यारुनसंग प्रतिस्पर्धा गर्छ। १८ गतेसम्म सञ्चालन हुने गोल्डकपको विजेता टोलीले २१ लाख रुपियाँ पुरस्कार प्राप्त गर्नेछ ।
