पाम्प्लोना, फागुन २१ गते । फिलिपिन्सका एक प्रान्तीय गभर्नर र अन्य आठ जनाको हत्यामा संलग्न तीन जनालाई पक्राउ गरिएको अधिकारीहरूले आइतबार जानकारी दिएका छन् । अर्को सन्दिग्धको गोली हानाहानमा मृत्यु भएको छ ।
फिलिपिन्सको उखु खेती गर्ने केन्द्रमा शनिबार भएको भीषण आक्रमणमा परी १७ जना घाइते भएका छन् । सैनिक पोशाक लगाएका छ बन्दुकधारीले मध्य प्रान्त नेग्रोस ओरिएन्टलको पाम्प्लोना नगरपालिकाको गभर्नरको घरमा गोली चलाएको थियो ।
गभर्नर रोएल डेगामो फिलिपिन्सका स्थानीय राजनीतिज्ञहरूमाथि भएको आक्रमणको पछिल्लो शिकार बन्नुभएको छ । गिरफ्तार गरिएका तीन सन्दिग्धमध्ये दुई जना पूर्व सैनिक थिए जसलाई धेरै वर्ष पहिले अपमानजनक रूपमा सेनाबाट निकाला गरिएको थियो । फिलिपिन्स सेनाले एक विज्ञप्तिमा जानकारी दिएका छन् ।
चौथो सन्दिग्ध शनिवार राति एक वृक्षरोपणमा गोली हानाहानमा मारिएको प्रहरी प्रवक्ता लेफ्टिनेन्ट कर्णेल जेरार्ड पेलारेले पत्रकारहरूलाई बताउनु भएको छ । रासस/एएफपी
