काठमाडौं, मङ्सिर २६ गते । राष्ट्रिय परीक्षा बोर्ड परीक्षा नियन्त्रण कार्यालयले कक्षा ११ को रजिस्ट्रेसन आवेदन फाराम खुला गरेको छ । शैक्षिक सत्र २०७९/८० मा भर्ना भएका विद्यार्थीहरूका लागि रजिस्ट्रेसन आवेदन फाराम खुला गरिएको कार्यालयले जनाएको छ ।
आगामी पुस १५ गते नियमित शुल्क बुझाएर र दोब्बर दस्तुरसहित पुस मसान्तसम्म फाराम बुझाउन सक्नेछन् ।
रजिस्ट्रेसन आवेदनसहित प्रति विद्यार्थी चार सय पुस १५ गतेभित्र बोर्डका सम्बन्धित कार्यालयको खातामा दाखिला गरिसक्नुपर्ने छ । साथै, सो समयमा रकम दाखिला गर्न नसक्ने विद्यार्थीको हकमा पुस मसान्तभित्र विलम्ब शुल्कसहित आठ सयका दरले रकम जम्मा गर्नुपर्ने कार्यालयद्वारा जारी सूचनामा उल्लेख छ ।
सम्बन्धित विद्यालयले माघ १५ बैङ्क भौचर र रजिस्ट्रेसन आवेदन फारम बोर्डको सम्बन्धित कार्यालयमा बुझाउनु पर्ने छ ।
रजिस्ट्रेसन आवेदन फाराम विद्यार्थी स्वयंले गर्नुपर्ने छ । विद्यार्थीहरूको उक्त विवरण सम्बन्धित विद्यालयले अनलाइनमार्फत प्रविष्टि गर्ने व्यवस्था मिलाउनु पर्ने छ । कार्यालयका अनुसार अनलाइन प्रविष्टिका लागि बोर्डको वेबसाइट https://exam.neb.gov.np/ पुस ३ गतेबाट खुला गरी पुस मसान्तमा बन्द हुने छ ।
-original-thumb.jpg)
