गोरखा क्षेत्र नम्बर दुईको मतगणना सुरु

नरेन्द्र ढकाल

गोरखा, मंसिर ५ गते। गोरखा क्षेत्र नम्बर २ को मतगणना सुरु भएको छ। सोमबार साँझ सवा सात बजेबाट गणना सुरु भएको निर्वाचन अधिकृत नारदप्रसाद भट्टराईले जानकारी दिनुभयो। 

सिरानचोक, बारपाक सुलिकोट, अजिरकोट, सिरानचोक गाउँपालिका र पालुङटार एवं गोरखा नगरपालिकाको १/१ गरी ६ वटा बुथ खन्याएर मतगणना थालिएको उहाँले बताउनुभयो। 

गोरखा २ मा करिब ५३ हजार ९७८ मत खसेको निर्वाचन कार्यालयका सहायक निर्वाचन अधिकृत शिव रेग्मीले जानकारी दिनुभयो। 

गोरखा २ मा सत्ता गठबन्धनको तर्फबाट पूर्वप्रधानमन्त्री एवं नेकपा (माओवादी केन्द्र) अध्यक्ष पुष्पकमल दाहाल ‘प्रचण्ड’, नेकपा (एमाले)का अब्दुस मियाँ, राष्ट्रिय स्वतन्त्र पार्टीका कबिन्द्र बुर्लाकोटी, नेपाली कांग्रेस बिपीका टीकादत्त पोखरेल उम्मेदवार हुनुहुन्छ।