काठमाडौं, असोज २८ गते ।
लुकुम गाउँ : पूर्वी रुकुमको भूमे गाउँपालिका–१ मा अवस्थित लुकुमगाउँ । राष्ट्रिय गौरवको आयोजना मध्यपहाडी लोकमार्गको माथिल्लोपट्टी रहेको लुकुम गाउँलाई पृष्ठभूमिमा राखेर तस्बिर र भिडियो खिँच्नहरुको यहाँ भीड लाग्ने गर्छन् ।
लसुने बजार : तेह्रथुमको लालीगुराँस नगरपालिका–९ मा अवस्थित लसुने बजार ।
ग्राहकको प्रतीक्षामा नाङ्लो व्यापारी : महोत्तरीको सदरमुकाम जलेश्वरको हटियामा नाङ्लो बेच्न ग्राहकको प्रतीक्षामा बसेका व्यापारी ।
संरक्षित क्षेत्र काँक्रेबिहार : नेपाल सरकारद्वारा संरक्षित क्षेत्र काँक्रेबिहार र यसको आसपासमा बचेको खेतीयोग्य जमिन । पछिल्लो समय जग्गा प्लटिङ गरी घडेरीका रुपमा बिक्री गर्दा खेतीयोग्य जमिन मासिँदै गइरहेको छ ।
धानखेत बाढीले पुरेपछि दाउराको जोहो : निरन्तर भएको वर्षापछि तिला गाउँपालिका–४, जुम्ला साँपुल्ली गाउँको धानखेतमा बाढीले बगाएर ल्याएको दाउरा सङ्कलन गर्दै स्थानीयवासी । असोज १९ देखि २३ गतेसम्म भएको वर्षापछि आएको बाढीले यहाँका किसानको धानखेत बगरमा परिणत गरेको छ ।
एकैपटक दुईवटा कर्णल बजाउँदै : एकैपटक दुई वटा कर्णल बजाउँदै म्याग्दीको धवलागिरि गाउँपालिका–७ हिलापोखरीका दुर्गे परियार । हिलापोखरी नौमती बाजा समूहका दुर्गेसँगै एकैपटक दुई वटा कर्णेल बाजा बजाउने फरक प्रतिभा छ । तस्बिरः रासस
