एजेन्सी
एजेन्सी
काठमाडौं, असोज १६ गते । इन्डोनेसियामा फुटबल खेलका क्रममा भएको हिंसामा परी एक सय २९ जनाको मृत्यु भएको छ । कन्जुरुहान रङ्गशालामा भएको इन्डोनेसियाको शीर्षलिग फुटबल अन्तर्गत अरेमा र पर्सेबाया सुराबायाबीचको खेलपछि भड्किएको हिंसामा परी एक सय २९ जनाको मृत्यु भएको हो ।
साथै हिंसामा परी एक सय ८० जना भन्दा बढी घाइते भएको अन्तर्राष्ट्रिय समाचार संस्था बीबीसीले उल्लेख गरेको छ । खेलमा अरेमा ३-२ गोलले पराजित भएको थियो । आफ्नो टोली पराजित भएपछि समर्थकहरू मैदानमा उत्रिएर एक अर्कामा हिंसात्मक गतिविधिमा उत्रिएका थिए । त्यसपछि हिंसालाई नियन्त्रण लिन प्रहरीले अश्रुग्याँस प्रहार गरेको थियो ।
सोही क्रममा भागदौड हुँदा ३४ जनाको रङ्गशालामै र बाँकीको अस्पतालमा मृत्यु भएको हो । घटनापछि इन्डोनेसिया फुटबल सङ्घले लिग वान फुटबल एक हप्ताको लागि स्थगित गरेको जनाएको छ ।
एजेन्सी
