काठमाडौँ, वैशाख १६ गते । चीनमा जारी एसियन बिच गेम्स–२०२६ अन्तर्गत महिला बिच कबड्डीमा नेपालले कांस्य पदक विजेता महिला टोली बुधबार स्वदेश फर्किएको छ ।
टोलीलाई राष्ट्रिय खेलकुद परिषद्का अध्यक्ष एवं युवा तथा खेलकुदमन्त्री सस्मित पोखरेल, राष्ट्रिय खेलकुद परिषद् (रासस) सदस्य सचिव रामचरित्र मेहता, नेपाल कबड्डी सङ्घका पदाधिकारी, खेलाडी, प्रशिक्षकलगायतले त्रिभुवन अन्तर्राष्ट्रिय विमानस्थलमा स्वागत गर्नुभयो ।
चीनको सान्यामा जारी प्रतियोगितामा नेपालले कांस्य पदक जितेको थियो । नेपाल सेमिफाइनलमा श्रीलङ्कासँग ४६–४३ ले पराजित भएको थियो ।
फाइनलमा भारतले श्रीलङ्कालाई ४७–३१ ले हराउँदै स्वर्ण जितेको थियो । श्रीलङ्काले रजत र बङ्गलादेशले पनि कांस्यमा चित्त बुझाएको थियो ।
