रमेश पौडेल
पोखरा, चैत २८ गते । नेपाली सेनाद्वारा कास्कीको अन्नपूर्ण गाउँपालिकामा बृहत स्वास्थ्य शिविर सम्पन्न भएको छ ।
कास्कीको अन्नपूर्णको वडा नम्बर ४ सल्यानमा कृष्णदल गण फूलबारी पोखराको नेतृत्वमा भएको स्वास्थ्य शिविरमा करिब ५ सय ५० जना स्थानीयले स्वास्थ्य परीक्षण गराएको गणका गणपति प्रमुख सेनानी राजेन्द्र पुडासैनीले जानकारी दिनुभयो ।
विशेषज्ञ चिकित्सकहरुबाट सेवा प्रदान गरिएको उक्त बृहत स्वास्थ्य शिविर अन्नपूर्ण गाउँपालिका, सैनिक अस्पताल पोखरा , एक्स सर्भिसम्यान , आविष्कार हस्पिटल पोखरा, हिमालयन आँखा हस्पिटल पोखरा , कुटी रिसोर्ट लगायतका संस्थाहरुले सहयोग गरेको जानकारी उहाँले दिनुभयो ।
उक्त शिविरमा स्त्री तथा प्रसुति रोग, वरिष्ठ फिजिसियन, छाला तथा यौन रोग, नाक कान घाँटी, पेट छाती तथा मुटु रोग, दाँत ,आँखा , प्रयोगशाला सम्बन्धी सेवा प्रदान गरिएको थियो। साथै उपस्थित सबैजनाको प्रेसर तथा सुगरसमेत परीक्षण गरिएको थियो ।
उक्त अवसरमा सहयोग गर्ने सम्पूर्ण संघसंस्था तथा व्यक्तित्वहरुलाई नम्बर ३ बाहिनीका बाहिनीपति सहायकरथी श्री अमृत काजी गुरुङद्वारा प्रशंसा पत्र समेत वितरण गरिएको थियो।
-square-thumb.jpg)
-original-thumb.jpg)
