राममणि दाहाल
मकवानपुर, चैत ११ गते । मकवानपुरको बकैया गाउँपालिका–११ का वडा सदस्य ज्ञानबहादुर गोलेको करेन्ट लागेर मृत्यु भएको छ । मङ्गलबार पिपलडाँडालेक सडकखण्डमा लत्रिरहेको विद्युत् तारमा प्रवाह भएको करेन्ट लाग्दा गोलेको मृत्यु भएको हो ।
वडा नम्बर ११ का वडाध्यक्ष गोपाल न्यासुर लामाका अनुसार सडकमा लत्रिएको बिजुलीको तार पन्छाउने क्रममा गोलेलाई करेन्ट लागेको हो । गम्भीर घाइते भएका गोलेलाई उपचारका लागि हेटौँडा अस्पताल पठाइएकोमा चिकित्सकले मृत घोषणा गरेका थिए ।
विद्यालय जाँदै गरेका विद्यार्थीहरूले सडकमा तारमा बेरिएर लडेको अवस्थामा देखेपछि स्थानीयलाई खबर गरेका थिए । त्यसपछि उहाँको उद्धार गरिएको थियो ।
गाउँमा केही दिनदेखि विद्युत् सेवा अवरुद्ध रहेकामा पुनः जडान भएको थाहा नपाएर तार पन्छाउने क्रममा दुर्घटना भएको अनुमान गरिएको वडाध्यक्ष लामाले बताउनुभयो ।
गोले वडा कार्यालयमा बैठकमा सहभागी हुन जाँदै गर्दा उक्त घटना भएको हो । उहाँ २०७४ सालको स्थानीय तह निर्वाचनदेखि लगातार वडा सदस्यमा निर्वाचित हुँदै आउनुभएको सिथयो ।
-original-thumb.jpg)
-square-thumb.jpg)
-original-thumb.jpg)
