काठमाडौँ, फागुन २४ गते । विश्व पारा एथलेटिक्स ग्रान्ड प्रिक्समा भाग लिन तीन खेलाडीसहित चार सदस्यीय नेपाली टोली आइतबार भारतको नयाँ दिल्ली प्रस्थान गरेको छ ।
मार्च १० देखि १३ तारिखसम्म हुने प्रतियोगितामा तीन पुरुष खेलाडीले नेपालको चुनौती प्रस्तुत गर्ने छन् । सटपुटमा हिमाल अर्याल, ज्याभ्लिन थ्रोमा मोहन रोका र चार सय मिटर दौडमा नवराज कार्कीले प्रतिस्पर्धा गर्नुहुनेछ ।
टोली प्रमुखमा राष्ट्रिय पारा एथलेटिक्स सङ्घ नेपालका सचिव साङबु भोटे रहनुभएको छ । टोलीलाई सङ्घका अध्यक्ष ओमनाथ सिवाकोटीले आइतबार नै त्रिभूवन अन्तर्राष्ट्रिय विमानस्थलमा बिदाइ गर्नुभयो ।
-original-thumb.jpg)
-original-thumb.jpg)