काठमाडौँ, पुस १५ गते ।बुढानीलकण्ठ नगरपालिका–७, गोल्फुटार चोकमा आज भएको मोटरसाइकल दुर्घटना परी घाइते भएका चालकको मृत्यु भएको छ ।
मृत्यु हुनेमा रामेछापको खाँडादेवी गाउँपालिका–३ का २५ वर्षीय अवी श्रेष्ठ रहेका काठमाडौँ उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीले राससलाई जानकारी दिनु भयो ।
उहाँले भन्नु भयो, “आज बिहान गल्फुटार चोकस्थित सडकखण्डमा चक्रपथबाट हात्तीगौँडा चोकतर्फ आउँदै गरेको बागमती प्रदेश ०२–०५२ प. ५४०२ नम्बरको मोटरसाइकल अनियन्त्रित भई सडकको छेउमा रहेको विद्युतकाे खम्बामा ठक्कर खादा चालक घाइते भएका थिए, निजलाई त्रिवि शिक्षण अस्पताल पठाइएको र उपचारका क्रममा मृत्यु भएको हो ।”
उक्त दुर्घटनाका विषयमा प्रहरीले थप आवश्यक अनुसन्धान गरिहेको जनाएको छ । रासस
-square-thumb.jpg)
-original-thumb.jpg)
