संयुक्त राष्ट्र, मङ्सिर १९ गते । संयुक्त राष्ट्रका मानवीय सहयोगीले बिहीबार दक्षिणपूर्वी अफ्रिकी देशमा सशस्त्र हिंसाले शान्तिप्रिय नागरिकमाथि पार्ने प्रभावबारे गहिरो चिन्ता व्यक्त गरेका छन् । स्थानीय स्रोतका अनुसार आइतबार र सोमबार एम्बोकी क्षेत्रमा भएको आक्रमणमा धेरै नागरिकको मृत्यु भएको छ, र समुदायबिच तनाव बढेको छ ।
केही घर जलेका थिए भने करिब एक हजार मानिस विस्थापित भएका थिए, जसले सुरक्षाको लागि नजिकैको क्याथोलिक मन्दिरमा आश्रय लिएका थिए । एम्बोकी क्षेत्रमा बारम्बार झडप भइरहेका छन् र असुरक्षा तथा कमजोर सञ्चार प्रणालीका कारण मानवीय सहायता पुर्याउन निकै कठिनाइ भइरहेको छ । गत हप्ता उक्त क्षेत्रमा काम गर्ने स्थानीय गैरसरकारी संस्थाका दुई कर्मचारी गोली लागेर घाइते भएका थिए । उहाँहरू खाद्य, सुरक्षा, पानी, सरसफाइ र स्वास्थ्य सहयोग प्रदान गर्दै आएका थिए ।
देशका केही भागमा स्थिति सुधार भए पनि अन्य क्षेत्रमा हिंसाले करिब ५० हजार मानिसलाई मानवीय सहायता आवश्यक पारिरहेको छ । अन्तर्राष्ट्रिय समूहका अनुसार हालको समग्र सुरक्षा अवस्था सुधारिएको रिपोर्टले देखाएको छ । “राज्यले अब अस्तित्वमाथिको सङ्कटको सामना नगरेको भए पनि ग्रामीण क्षेत्रमा असुरक्षा अझै कायम छ, जहाँ लुटेरा र विद्रोहीले खानी क्षेत्र नियन्त्रण गर्ने प्रयास गरिरहेका छन् ।” रासस/सिन्ह्वा
