सिराज खान
नेपालगन्ज, कात्तिक २७ गते। जिल्ला ट्राफिक प्रहरी कार्यालय बाँकेले अभियान नै सञ्चालन गरेर जिल्लामा आफुखुशी स्वरूप परिवर्तन ‘मोडिफाइड’ गरेर सवारी साधन चलाउने, गाडीमा अतिरिक्त सिट बनाएर मानिस झुन्ड्याउने तथा ओभरलोड गाडी चलाउनेलाई कारवाही सुरु गरेको छ।
जिल्ला ट्राफिक प्रहरी कार्यालय बाँकेका प्रमुख, प्रहरी निरीक्षक कनकबहादुर शाहीले जिल्लामा नियमविपरित विभिन्न तरिका अपनाएर सवारी साधन चलाउने गरेको पाइएकोले कारवाही अभियान नै सञ्चालन गरेको बताउनुभयो।
अधिकांश इभी भ्यान र म्याजिक भ्यानमा आफुखुसी मानिस झुन्ड्याउनका लागि अतिरिक्त सिट राखिएको जिल्ला ट्राफिक प्रहरी बाँकेका प्रमुख शाहीले बताए।
सो प्रकारका दुई दर्जन बढी मोटरसाइकललाई नियन्त्रणमा लिएर कारवाही गरिएको जनाउँदै ‘मोडिफाइड’ गरेर चर्को ध्वानी निकाल्ने सबै मोटरसाइकलका साइलेन्सर झिकिएको सो कार्यालयले जनाएको छ।
स्वीकृति नलिइ सवारीसाधनको साइलेन्सर, सिट, रङ, स्वरूप, नम्बर प्लेट, लुकिङ ग्लास, सक, ह्याण्डल, इञ्जिन, चेसिसमा परिवर्तन गर्ने वा ध्वनि प्रदूषण हुनेखालका पार्टपुर्जा जडान गरेमा सवारी तथा यातायात व्यवस्था ऐन, २०४९ को बमोजिम १५ हजार रुपियाँ जरिवाना हुने व्यवस्था रहेको छ ।
-square-thumb.jpg)
-square-thumb.jpg)
-original-thumb.jpg)
-original-thumb.jpg)
