गोरखापत्र समाचारदाता
काठमाडौँ, असोज २२ गते । सूर्यज्योति लाइफ इन्स्योरेन्स कम्पनीले भौतिक पूर्वाधार पूनर्निर्माण कोषमा एक करोड ५० लाख रुपियाँ सहयोग गरेको छ । मङ्गलबार कम्पनीका प्रमुख कार्यकारी अधिकृत प्रकाश विक्रम खत्रीले सो रकम बराबरको चेक अर्थमन्त्री रामेश्वर खनाललाई हस्तान्तरण गर्नुभएको हो ।
सरकारले गत भदौ २३ र २४ गते भएको जेनजी आन्दोलनका क्रममा भएको क्षति भएका सार्वजनिक भौतिक संरचना पुनर्निर्माण, आर्थिक पुनरुत्थान र राहतलगायतका लागि ‘भौतिक पूर्वाधार पुनर्निर्माण कोष’ स्थापना गरी सबैलाई यसमा सहयोग गर्न आह्वान गरेको थियो । सरकारले आह्वान गरे अनुसार राष्ट्र पुनर्निर्माणको महान् अभियानमा सहभागी हुन कम्पनीले आर्थिक सहयोग प्रदान गर्ने निर्णय भएको कम्पनीले जनाएको छ ।
