टोपलाल अर्याल
रेसुङ्गा, भदौ १३ गते । अविरल वर्षाले अवरुद्ध भएको कालिगण्डकी करिडोर सञ्चालनमा आएको छ । वर्षातको कारण जिल्लाका कालिगण्डकी कोरिडोर र रुद्रवेणी–वामी सडक अवरुद्ध भएका थिए ।
कालिगण्डकी गाउँपालिका–२ को राक्सेमा खसेको पहिरो हटाएपछि सडक सञ्चालन भएको जिल्ला प्रहरी कार्यालय गुल्मीका प्रवक्ता प्रहरी नायब उपरीक्षक गङ्गाबहादुर सारुले जानकारी दिनुभयो । सत्यवती गाउँपालिका–६ को डहरेखोलामा पानीको बहाव उच्च भएपछि रुद्रवेणी–वामी सडकखण्ड अवरुद्ध भएको छ ।
राति भएके वर्षापछि सडक अवरुद्ध हुँदा गन्तव्य हिँडेका यात्रु बाटोमा अलपत्र परेका छन् ।
