बगोटा, असार ९ गते । देशको दक्षिणपश्चिमको छापामार नियन्त्रित क्षेत्रका स्थानीय बासिन्दाहरूले आइतवार ५० जनाभन्दा बढी कोलम्बियाली सैनिकहरूलाई बन्धक बनाई गिरफ्तार गरेको सेनाले जनाएको छ ।
सैनिकको प्लाटुनले मिके क्यानियने र यस क्षेत्रको नगरपालिकाको एक भाग एल टम्बोमा अपरेसन गरिरहेको समयमा स्थानीयले सेनालाई शनिबार नियन्त्रणमा लिएका हुन् । आइतबार एल प्लेटाडोतिर गइरहेको अवस्थामा सैनिकहरूको अर्को समूहलाई कम्तिमा २०० बासिन्दाहरूले घेराबन्दी गरेको जनाइएको छ ।
दुवै घटनामा चार गैर कमिसन अधिकृत र ५३ जना पेशेवर सैनिकहरू आफ्नो स्वतन्त्रताबाट वञ्चित रहेको सेनाले बताएको छ । कोलम्बियाका द्वन्द्वग्रस्त क्षेत्रहरूमा विद्रोही समूहहरूले समय समयमा नागरिकहरूलाई सुरक्षा बलको अघि बढ्नबाट रोक्नका लागि कारबाही गर्न आदेश दिन्छन्। । उनीहरूलाई सामान्यतया मानव अधिकार सङ्गठनहरूको हस्तक्षेप पछि घन्टौँ पछि रिहा गरिन्छ ।
जनरल फेडेरिको अल्बर्टो मेजियाले एक भिडियोमा यो समुदायमा घुसपैठ गरेका गुरिल्लाहरूले गरेको अपहरण भएको बताउनुभएको छ । तत्कालीन सरकारसँग सन् २०१६ को शान्ति सम्झौतामा हस्ताक्षर नगर्ने असंतुष्ट समूह तथाकथित सेन्ट्रल जनरल स्टाफ (इएमसी) बाट किसानहरूले आदेश प्राप्त गरेको सेनाले जनाएको छ ।
राष्ट्रपति गुस्ताभो पेट्रोले आइतबार गुरिल्लाहरूको मेक्सिकन कार्टेलसँगको कथित सम्बन्धलाई उल्लेख गर्दै किसानहरूलाई विदेशीहरूको आज्ञा पालन गर्ने सशस्त्र समूहहरूमा विश्वास नगर्न आग्रह गर्नुभएको छ । राष्ट्रपति पेट्रोले सामाजिक सञ्जाल एक्समार्फत भन्नुभयो, “हामी शान्ति विस्तार गर्न चाहन्छौँ तर सैनिकहरूलाई मुक्त गर्नु आवश्यक छ ।”
पेट्रोले सशस्त्र बलले सम्पूर्ण मिके क्यानियनमा पहुँच सुनिश्चित गर्न महिनौँ देखि प्रयास गरिरहेको समेत बताउनुभएको छ । मार्चमा सोही क्षेत्रका स्थानीय बासिन्दाहरूले २८ जना प्रहरी अधिकारी र एक सैनिकलाई बन्धक बनाएका थिए उनीहरुलाई दुई दिनपछि रिहा गरिएको थियो । कोलम्बियाले पछिल्लो दशकमा खराब सुरक्षा सङ्कटको सामना गरिरहेको छ । पेट्रोले इएमसीसँग शान्ति वार्ता गर्ने प्रयास गरेपनि मुख्य नेता इभान मोर्डिस्कोले वार्ता अस्विकार गर्नुभएको छ । रासस/एएफपी
