शिवराज ढुंगाना
अछाम, चैत २२ गते । सुदूरपश्चिमको पहाडी जिल्लामा भूकम्पको धक्का महसुस गरिएको छ । शुक्रबार बेलुकी ८ बजेर १० मिनेटमा यस क्षेत्रमा भूकम्पको धक्का महशुस गरिएको हो ।
जाजरकोट केन्द्रबिन्दु भएर ५ दशमलव २ म्याग्नेच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भूकम्पको धक्का महसुस गरिए पनि क्षति बारेमा हालसम्म कुनै जानकारी नआएको अछाम प्रहरी प्रमुख प्रहरी नायब उपरीक्षक ईश्वरीप्रसाद भण्डारीले जानकारी दिनुभयो ।
पछिल्लो समयमा पश्चिम क्षेत्रमा लगातार भूकम्पका धक्का गइरहेको छ । भूगर्भ विज्ञहरुले सुदूरपश्चिम क्षेत्र भूकम्पको उच्च जोखिममा रहेको बताउँदैआएका छन् ।
