निराजन परियार
चौमाला (कैलाली), चैत २१ गते । कैलालीको धनगढी र गौरीगङ्गाबाट लागु औषधसहित प्रहरीले पाँच जनालाई पक्राउ परेको छ ।
धनगढी उपमहानगरपालिका–४ बसपार्कबाट अछामको मंगलसेन नगरपालिका–१ का १८ वर्षीय युवक र मङ्गलसेन नगरपालिका–५ का १७ वर्षीय युवकलाई प्रहरीले पक्राउ गरेको हो ।
अस्थायी प्रहरी पोष्ट बसपार्कबाट खटिएको प्रहरी टोलीले प्रहरीले दुबैजनालाई एक ग्राम २४० मिलिग्रम लागु औषधसहित नियन्त्रणमा लिएको हो ।
यसैगरी, धनगढी उपमहानगरपालिका–६ जङ्गल रिसोर्ट नजिकबाट सोही स्थानका २६ वर्षीय आशाराम चौधरी र २९ वर्षीय दिलबहादुर चौधरी लागु औषधसहित पक्राउ परेका छन् ।
चौधरीलाई एक ग्राम २१० मिलिग्राम लागु औषधसहित वडा प्रहरी कार्यालय धनगढी र लागु औषध नियन्त्रण ब्युरो शाखा कार्यालय धनगढीबाट संयुक्त रुपमा खटिएको प्रहरी टोलीले नियन्त्रणमा लिएको छ ।
यसैगरी, गौरीगंगा नगरपालिका–८ लिक्मा गाउँका १८ वर्षीय एक युवक पनि ८० मिलिग्राम लागु औषधसहित इलाका प्रहरी कार्यालय मसुरियाबाट खटिएको प्रहरी टोलीले नियन्त्रणमा लिएको छ ।
