गोरखापत्र समाचारदाता
काठमाडौँ, चैत २१ गते । चलचित्र ‘पीताम्बर’ को ट्रेलर सार्वजनिक भएको छ । कृषा चौलागाईंको निर्देशन रहेको चलचित्रमा बदलाको भाव देखाउने ट्रेलरमा अधिकांश दृश्य द्वन्द्वका छन् । ट्रेलरमा चलचित्रका प्रायः सबै कलाकारलाई स्थान दिइएको छ ।
चलचित्रमा अभिनेता प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रवीन्द्र झा, प्रमोद अग्रहरि, कामेश्वर चौरसिया, टीका पहाडीलगायतका कलाकारको अभिनय रहेको छ ।
विशाल चौलागाईं निर्माता रहनुभएको चलचित्रमा पुरुषोत्तम प्रधानको छायाङ्कन, प्रदीप भारद्वाज र अभिमन्यु नीरवीको पटकथा र संवाद, बन्दे प्रसादको सम्पादन, आशिष अविरल र बाबुल गिरीको सङ्गीत र हिमाल केसीको द्वन्द्व रहेको छ ।