कोहलपुरमा शिखा स्विमिङ प्रतियोगिता हुँदै

लक्ष्मी तिमिल्सेना

जमुनाह, चैत २० गते । प्रथम शिखा जिल्लास्तरीय स्विमिङ प्रतियोगिता कोहलपुरमा हुने भएको छ । नेपालगञ्ज स्विमिङ क्लबको सहकार्यमा यस प्रतियोगिताको आयोजना हुन लागेको आयोजकले जनाएको छ  । 

शिखा एकेडेमी कोहलपुरको आयोजनामा हुन लागेको यो प्रतियोगिता काठमाडौँ उपत्यका बाहिर पहिलो भएको बताइएको छ । शिखा एकेडेमी कोहलपुर प्रालिको आफ्नै परिसरमा रहेको १२.५ मी.–२५ मी. साइजको आप्mनै पौडी पोखरीमा प्रतियोगिता सञ्चालन हुनेछ ।

पौडीखेलको विकास तथा यस क्षेत्रभित्र रहेका प्रतिभावान पौडी खेलाडीहरुको प्रतिभालाई उजागर गर्नु प्रतियोगिताको मुख्य उद्देश्य रहेको एकेडेमीका अतिरिक्त क्रियाकलाप प्रमुख सूर्यमणी अधिकारीले जानकारी दिनुभयो । 

चैत २३ गते हुन गइरहेको उक्त प्रतियोगितामा १५ वटा विद्यालयका ६५ जना विद्यार्थी सहभागी हुँदैछन् । जसमा १७ जना छात्रा तथा ४८ छात्र छन् । पाँचवटा उमेर समुहमा प्रतियोगिता हुने आयोजकले जनाएको छ ।