इन्द्रसरोवरमा सुमो दुर्घटना : तीन जना गम्भीर घाइते

अनिल पराजुली

हेटौँडा, चैत २० गते। हेटौँडा–काठमाडौँ सडक खण्डको इन्द्रसरोवर–२, बतासेमा सुमो दुर्घटना भएको छ। बुधबार दिउँसो ३ बजेर ५५ मिनेटको समयमा सुमो दुर्घटना हुँदा तीन जना गम्भीर घाइते भएका छन्। 

रौतहटको गौरबाट काठमाडौँतर्फ जाँदै गरेको ना १ ज ५४८५ नम्बरको सुमोको ब्रेक फेल भएर एक सय मिटर तल खोल्सामा खसेर दुर्घटना भएको जिल्ला प्रहरी कार्यालय मकवानपुरले जनाएको छ। प्रहरी सहायक निरीक्षक खगेन्द्रलाल गुभाजुको नेतृत्वमा गएको टोलीले घाइतेको उद्धार गरी उपचारको लागि काठमाडौँ पठाएको हो।

दुर्घटनामा परी एक जना मध्यम तथा पाँच जना सामान्य घाइते हुनुभएको छ। चालक घटना स्थलमा प्रहरीको सम्पर्कमा रहेका छन् भने सुमोमा चालक सहित १० जना सवार रहनुभएको थियो।