गणतन्त्रमाथि ख्यालठट्टा नगर्न आग्रह

पुतलीबजार समाचारदाता 

पुतलीबजार, चैत २० गते । नेकपा (एमाले) का स्थायी कमिटी सदस्य तथा गण्डकी प्रदेशका पूर्वमुख्यमन्त्री खगराज अधिकारीले गणतन्त्रमाथि ख्यालठट्टा नगर्न आग्रह गर्नुभएको छ । 

एमाले जिल्ला कमिटी स्याङ्जाले वालिङमा आयोजना गरेको जागरण सभालाई सम्बोधन गर्दै अधिकारीले गणतन्त्रको पहरेदार बनेका जनता राजतन्त्रको समर्थक हुनै नसक्ने बताउनुभयो । 

उहाँले भन्नुभयो, “मिडिया हाउस र पत्रकारलाई आक्रमण गर्ने, जिउँदै जलाउनेले एकछिन सत्ता चलाएको खण्डमा के होला ?” शान्तिपूर्ण आन्दोलनको नाममा शुक्रबार राजधानीमा भएको पत्रकार सुरेश रजकको हत्याका विषयलाई लिएर अधिकारीले यस्तो कुरा बताउनुभएको हो । 

‘राजा आऊ देश बचाऊ’ भन्नेहरू मूर्ख भएको बताउँदै अधिकारीले भन्नुभयो, “आफ्नो दरबार र वंशको रक्षा गर्न नसक्नेले देश र जनताको रक्षा गर्छन् भन्नेहरू मूर्ख हुन् । सत्तामा जानका लागि माओवादीले पनि विगत भुल्न नहुने उहाँको धारणा थियो  ।