रमेश विश्वकर्मा
गुल्मी, चैत २० गते । गुल्मीमा एक जना फरार प्रतिवादीलाई प्रहरीले पक्राउ गरेको छ । पक्राउ पर्नेमा इस्मा गाउँपालिका–४ निस्तीका ३१ वर्षीय तारा बस्नेत रहेको जिल्ला प्रहरी कार्यालय गुल्मीले जनाएको छ ।
जिल्ला प्रहरी कार्यालय गुल्मीका अनुसार बस्नेतलाई गुल्मी जिल्ला अदालतको गत जेठ ६ गतेको फैसलाले चोरी मुद्दामा दुई महिना १७ दिन कैद र दुई हजार पाँच सय रुपियाँ जरिवाना भएको थियो ।
रेसुङ्गा नगरपालिका–४ खाम्सेपानीबाट निजलाई मङ्गलबार पक्राउ गरी जिल्ला अदालत गुल्मीमा लगत कट्टाको लागि पेश गरिएको जिल्ला प्रहरी कार्यालय गुल्मीका सूचना अधिकारी एवम् प्रहरी नायब उपरीक्षक (डिएसपी) गंगाबहादुर सारुले जानकारी दिनुभयो ।
