ब्राजिलका पूर्व राष्ट्रपति रुसेफ अस्पताल भर्ना

ब्रासिलिया, फागुन १४ गते । ब्राजिलकी पूर्व राष्ट्रपति डिल्मा रुसेफलाई कानमा समस्या देखिएपछि साङ्घाईस्थित एक अस्पतालमा भर्ना गरिएको छ ।

ब्रिक्स समूहले विकासोन्मुख अर्थतन्त्रका लागि स्थापना गरेको बैङ्कको नेतृत्व गरिरहेकी ७७ वर्षीया अर्थशास्त्री रूसेफको उपचारपछि समस्यामा सुधार भइरहेको केही दिनभित्रै डिस्चार्ज गरिने उहाँको उपचारमा संलग्न चिकित्सकको टोलीले जारी गरेको विज्ञप्तिमा उल्लेख छ ।

रुसेफलाई सन्तुलन नियन्त्रण गर्ने स्नायुमा समस्या आएका कारण फेब्रुअरी २१ मा साङ्घाई इस्ट इन्टरनेसनल मेडिकल सेन्टरमा भर्ना गरिएको थियो ।

ब्राजिलका राष्ट्रपति लुइज इनासियो लुला डा सिल्भाले रुसेफलाई सन् २०२३ मा साङ्घाईस्थित न्यू डेभलपमेन्ट बैङ्क (एनडीबी) को नेतृत्व गर्नगरी जिम्मेवारीका लागि उहाँलाई तोक्नुभएको थियो ।

रुसेफ सन् २०१० मा लुलाको नेतृत्वमा ब्राजिलको पहिलो महिला राष्ट्रपति बन्नुभएको थियो । सन् २०१६ मा उहाँको दोस्रो कार्यकालमा बजेट कानुन उल्लङ्घन गरेको आरोपमा महाभियोग लगाइएको थियो ।

सन् २०१४ मा ब्रिक्स सदस्य राष्ट्र ब्राजिल, रुस, भारत, चीन र दक्षिण अफ्रिकाले गठन गरेको एनडीबीको प्रमुखमा नियुक्त भएपछि लुलाले उहाँलाई राजनीतिक खिचातानीबाट उन्मादबाट बाहिर ल्याउन मद्दत गर्नुभएको थियो ।

ब्राजिलले यस वर्ष ब्रिक्सको आलोपालो अध्यक्षता गरेको छ र जुलाईमा रियो दी जेनेरियोमा सदस्य राष्ट्रहरूको शिखर सम्मेलन आयोजना गर्नेछ ।

सन् २००९ मा स्थापना भएदेखि नै ब्रिक्स समूहले उल्लेखनीय विस्तार गरेको छ र अहिले यसमा इरान, इजिप्ट र संयुक्त अरब इमिरेट्स जस्ता देशहरू सामेल छन् । रासस/एएफपी