काठमाडौँ, माघ १३ गते । प्रभावशाली स्ट्राइकर केलियन एमबाप्पेले ह्याट्रिक गरेपछि रियल म्याड्रिडले स्पेनिस ला लिगामा रियल भालाडोलिडमाथि सहज जित निकालेको छ ।
शनिबार राति भएको खेलमा रियलले रियल भालाडोलिडलाई उसैको मैदानमा ३–० गोलले हरायो । रियलको जितमा एमबाप्पेले ३०औँ, ५७औँ र दोस्रो हाफको इन्जुरी समयमा गोल गर्दै ह्याट्रिक पूरा गर्नुभएको हो ।
यस जितसँगै लिगको शीर्षस्थानमा रहेको रियलले २१ खेलबाट ४९ अङ्क बनाएको छ । पराजित भालाडोलिड १५ अङ्कसहित तालिकाको अन्तिममा छ । दोस्रो स्थानमा रहेको एट्लेटिको म्याड्रिडको ४५ अङ्क छ । एजेन्सी
