गुणबहादुर रोका
सुलीकोट, पुस १९ गते । गोरखाको गण्डकी गाउँपालिका–६ अन्तर्गत पर्ने फिस्लिङ – आग्रीडाँडा हुँदै भैरबी जाने सडक खण्ड शनिबारदेखि बन्द हुने भएको छ । गाउँपालिकाको–वडा नम्बर ६ अन्तर्गत फिस्लिङ–आग्रीडाँडा–हुँदै भैरबीसम्मको झण्डै ३ किलोमिटर सडक शनिबारदेखि अर्को सूचना नआएसम्म लागि सडक बन्द रहने गण्डकी गाउँपालिकाका अध्यक्ष दिपक तिमिल्सेनाले जानकारी दिनुभयो ।
उहाँका अनुसार गण्डकी गाउँपालिका र सङ्घीय समपुरक कोष योजना आयोगको चार करोड ६८ लाख रुपियाँमा लागतको संयुक्त साझेदारीमा सडक कालोपत्रे गर्ने काम भएकाले पृथ्वी राजमार्गअन्तर्गत फिस्लि–आग्रीडाँडा हुँदै भैरबी जाने सवारी आवगमनमा पूर्ण रुपमा बन्द गरिएकाले वैकल्पिकबाट सवारी साधन सञ्चालन गर्न गाउँपालिकाले आग्रह गरेको छ ।
यसका कारण गाउँपालिकादेखि फिस्लिङ जाने यात्रुलाई केहि दिनका लागि असहज हुने भएको छ । कालेपत्रेपछि फस्लिङ आग्रीडाँडा हुँदै भैरबीसम्म आवतजावत गर्न सहज हुने विश्वास गाउँपालिकाले लिएको प्रमुख प्रशासकीय अधिकृतद्वारा जारी विज्ञाप्तिमा उल्लेख छ ।
बाटोका कारण यात्रुलाई पर्न गएको असुविधा प्रति गाउँपालिका सचेत रहेको विज्ञप्तिमा उल्लेख छ ।
