स्याङ्जा समाचारदाता
स्याङ्जा, पुस १७ गते । वालिङ नगरपालिका भवनमा ‘आँधीखोले लोकगीतका अभिनायक चन्द्रबहादुर सेन मसाने’ लोकार्पण गरिएको छ । स्याङ्जाली लोकगीतका हस्ती मसानेका बारेमा वरिष्ठ साहित्यकार देवीप्रसाद वनवासीले सो कृति लेख्नुभएको हो । स्याङ्जामा साहित्यिक पुनर्जागरणको छैटौँ वर्ष प्रवेशको अवसर तथा कवि शिरोमणि लेखनाथ पौड्यालको १४१ औँ जन्मजयन्तीको सन्दर्भमा वैकल्पिक बाटो पृथक पाइला सिर्जनात्मक अभियान २०७६ ले कृति लोकार्पण एवं रचना वाचन गरिएको थियो । लेखकले पुस्तकमा आलेख, अन्तर्वार्ता, परिशिष्ट खण्ड र दस्ताबेज खण्ड गरेर चार खण्डमा साहित्यिक सिर्जना समेट्नुभएको छ ।
